Pod-writes kali ini kita akan membahas tentang banyak hal termasuk pandemi, tasawuf dan situasi terkini seputar dunia dan keagamaan.
Jurnalis TWI: Assalamualaikum, nuwunsewu bapak kulo saking TWI bade berbincang kalih panjenengan seputar pandemi lan kehidupan. Menurut panjenengan dospundi niki kok kahanane kados ngeten boten mantun-mantun Coronane?
Pak Yai: Waalaikumsalam, lhaa iyo ngene ki. Tapi jo lali kabeh ki yowes kersane Gusti, adewe saiki mek nyukuri nikmat lan terus ngelmuni segala kejadian iki. Menurut ku kejadian koyok corona iki yo mergo dusone menungso atau lek ku mbahasakne podo karo maksiat. Wong-wong luar ki ra ngerti agomo makane dienekne corona ben sadar. Nyatane corona ki dibledosne ndek Cino amergo ndek kono wong-wong akeh seng maksiat. Trus enekne corona iki kui gambaran bahwa Gusti Allah ki lagi ngeresik i dunyo mung carane lewat virus kui maeng. Saking agunge Gusti, carane ngurangi umat menungso ra gae bom utowo senjata gede mek cukup karo virus cuilik seng ra ketok wong-wong do podo mati.
Saiki onok maneh fenomena poro ustadz kiai ijek enom wes podo kapundut. Kui yo gambaran lek Gusti Allah ngangkat elmune ndek dunyo, موت العالم موت العالم makane perlu ne adewe jo nyiak-nyiakne keberadaane guru. Mumpung jik podo sugeng ayo podo ngaji, elokne tingkah laku lan ngalap berkahe.
Jurnalis TWI: Lha menurut panjenengan pageblug ten Indonesia niku dospundi?
Pak Yai: Lek menurut ku ndek Indonesia ki isek rodok lumayan mergo ijek gondelan agomo karo poro kyai. Lha saiki buktine nyata lek corona ki songko Cino, lha Cino dewe lho ra iso ngobati. Ndek kono malah akeh lan ra karu-karuan. Makane akeh-akehno lek mok syukur mergo Indonesia luwih beruntung tinimbang negoro liyo.
Jurnalis TWI: Pandemi meniko nopo faktoripun namung maksiat mawon pak?
Pak Yai: Yo ora nu, akeh faktore cuma seng paling ketok yo masalah duso utowo maksiat kui maeng. Contoh sederhana ne saiki wong wedok wes ra karu-karuan, disek yo toto kromone wedok ki mlaku nek buri wong lanang lha saiki wes gak direken seng ngunu kui. Durung duso seng liyane seng wes pokok ra kenek diitung koyok to nebangi alas, sampah nok ndi parane, sawah wes podo dadi pemukiman, penambangan liar, kewan podo dibedili lan liyo liyane. Milo saiki kahanane ngewalik dadine alam ki yo geting karo menungso.
Jurnalis TWI: Tras menurut panjenengan dospundi pak nyudo alam seng kadung geting ngeten niki?
Pak Yai: Yo pertama awake dewe kudu ndelok disek opo wae seng kudu dibenahi trutama sikap e adewe. Mulane nyapo kok awak e dewe ra didudohne hakekate alam ghaib? sebab menungso ki gampang rumongso alias cepet gumede. Makane tataran hakekat kui kudu digurui yo enek elmune. Tarekat iku ora dzikiran tok tapi yo adabiahe. Kyo dawuhe KH Najib Zamzami tarekat iku akhlak. Jo mek omong tok, iso dzikiran tapi syareate kudu di toto tenan. Nah kui seng jenenge moco al Qur'an trus digolek hakekat lewat tasawuf e. Jo lali taubate sing tenanan karo nglampahi urip nganti ikhlas. Seng disek-disek lek pancen elek yo kudu dilereni saiki ndelok nyang ngarep kanti pingin berubah insyaallah lek wes ditoto dhohir batine adewe ra bakal kebujuk karo liyane. Janjane kan urip ki mung mampir, makane kui kudu ditenani karo ngamal sholeh, ibadah mung krono Gusti Allah swt.
Jurnalis TWI: Njjih, matursuwun pak sampun paring wedjangan ingkang katah mugi barokah. Sepindah pangapunten pun direpoti terakhir nyuwun barokah dungo mugi kito sedoyo angsal terus pituduhe Gusti Allah swt.
the woks institute l rumah peradaban 16/2/21
Komentar
Posting Komentar